Ég hef
ákveðið að skrifa þessa færslu sem einstaklingurinn Gúndi sem
er 23 ára og kærastan hans eru Garðar og Valur samansteyptir
í kvenmannin Fífí sem er í stærri kantinum. Hún er fyrsta
kærastann hans Gúnda og er hann doltið spenntur út af
því...doltið upptjúnaður því þau eru í sinni fyrstu
útlandaferð saman. Enjoy!
Já það er ekki
hægt að segja annað en að við Fífí séum alveg í rómantískri
ástarvímu hérna í Feneyjum...við erum búin að eiga alveg
yndilslegar stundir...í gær löbbuðum við út um alla eynna og
villtumst eiginlega, en Fífí var svo glögg að finna leiðina aftur
að hótelinu á einhvern ævintýralegan hátt...hún er svo glögg. Eftir
það fórum við upp á hótelherbergi og kúrðum aðeins upp í rúmi og
skiptumst á kossum...híhíhí. Svo þurfti Fífí að fara á
klósettið...þið vitið hversu lengi hún getur verið að gera númer 2,
hún er alveg jafn lengi að athöfninni og við hin en svo finnst
henni gott að sitja bara á setunni og lesa bók í svona 15-20 mín.
Ég lét það ekki fara í mig og fylgdist bara með páfaathöfninni á
BBC News á meðan...allri. Megi hann Jóhannes hvíla í friði. En
jæja, um áttaleytið fórum við og fengum okkur að borða á fínum
Ítlölskum veitingastað sem ég valdi...ég fékk mér pasta en Fífí
fékk sér pizzu, hún bólgnar víst upp í tungunni við að borða pasta,
læknarnir hafa ekki komist að af hverju. Við drukkum svo rauðvín
með matnum, í anda rómantíkarinnar sem er allstaðar í loftinu hér í
Feneyjum. Við vorum bæði þreytt eftir matinn þannig við fórum bara
aftur upp á herbergi og lásum í bók og tókum einn Frúin í
Hamborg...hún Fífí vann, hún vinnur alltaf!...hún er svo klár
elskan. Svo núna í dag fórum við í sturtu um morguninn...nei
ekki saman óþekktarangar...við komumst ekki bæði
fyrir! Löbbuðum svo í hinn enda eyjarinnar, aðeins
öðruvísi leið en í gær, keyptum okkur miða í strætóinn hérna...sem
er bátur...hahaha...fannst ykkur þetta ekki sniðugt!Hérna er annar,
ef maður pantar TAXA, þá fær maður leigu-bát...hahaha...bát...ekki
bíl...hahaha...hmmhmm, já, þið skiljið! Hvar var ég. Já, við
silgdum með bátnum yfir á aðra eyju, og síðan til baka og í gegnum
hinn fræga Gran Canale sem liggur í gegnum eynna. Ohh, það var
svo rómantískt, you just had to be there...you wish,hehe! Fengum
okkur svo pizzu, ja, allaveganna ég, hún Fífí mín borðar nú alltaf
á við tvo fullorðina menn þannig hún fékk sér tvær. Jæja, nú gef ég
aðeins í, keyptum kort til að senda mömmu og pabba...og tengdó
náttúrulega...hahaha, fyndið að segja þetta. Svo sátum við bara
saman í sólbaði í svona klukkutíma og erum nú hérna á
internetcafé...held að við verðum eitthvað hérna áfram því að Fífí
er að tala við einhverjar 7 vinkonur sínar og neitar að yfirgefa
staðinn...það er svosem allt í lagi því að við fáum
stúdentaafslátt...hahahahaha. En ég fer bráðum að grípa í
taumana...í alvöru...því að hún lofaði að horfa með mér á Juventus
- Liverpool á barnum hérna við hliðina á sem byrjar eftir
klukkutíma...ég þarf að gefa henni nudd í staðinn í lestinni til
Nice í nótt í staðinn,híhí. En jæja ég kveð í bili...ævintýri Gúnda
og Fífí halda áfram í Frakklandi...hlakka til að segja frá meiru.
Fífí biður að heilsa.